Кілтті сөздер
Дәйексөздерді қалай жазу керек
Аңдатпа
Көлеңкелі экономика мемлекеттердің тұрақты дамуына кедергі келтіретін негізгі проблемалардың бірі болып табылады, өйткені ол салық түсімдеріне нұқсан келтіреді, сыбайлас жемқорлықтың өсуіне ықпал етеді және бәсекелестік ортаны бұрмалайды. Осы жұмыс шеңберінде түрлі елдерде қолданылатын стратегиялар мен тетіктерді қоса алғанда, көлеңкелі экономикамен күресудің шетелдік тәжірибесі зерттеледі. Бұл ғылыми мақалада келесі аспектілерге ерекше назар аударылады: Ашық заңнаманың, салық жүйесін жетілдірудің және сыбайлас жемқорлыққа қарсы шараларды енгізудің рөлі талданады. Электрондық төлем жүйелерін енгізу, кірістерді онлайн декларациялау және блокчейн технологияларын қолдану сияқты цифрландыру әдістері қарастырылуда.
Мақалада салықтық жеңілдіктер мен шағын және орта бизнесті қолдау бағдарламаларын қоса алғанда, заңды экономикалық қызметті ынталандыру тәсілдері қарастырылады. Салықтан жалтару мен ақшаны жылыстатудың трансұлттық схемаларына қарсы тұрудағы бірлескен күш-жігердің маңыздылығы талданады. Ғылыми мақалада авторлар Сингапур, Швеция, Германия, Оңтүстік Корея және АҚШ сияқты экономикалық дамудың әртүрлі деңгейлері бар елдердің табысты тәжірибелерінің салыстырмалы сипаттамаларын ұсынады. Реферат көлеңкелі экономикамен тиімді күресу үшін нормативтік, технологиялық және әлеуметтік шараларды біріктіретін кешенді тәсілдің маңыздылығын көрсетеді.