Кілтті сөздер
Дәйексөздерді қалай жазу керек
Аңдатпа
Бұл мақала Қазақстанның халықаралық тәжірибесі мен ұлттық ерекшеліктерін ескере отырып, жергілікті бюджеттің үш деңгейінде (облыстық, қалалық, аудандық) мемлекеттік аудитті іске асырудың әдіснамалық тәсілдерін жан-жақты зерттеуге арналған. Мемлекеттік аудит жүйесі дамыған елдердің (АҚШ, Швеция, Германия, Бельгия, Ресей, Үндістан) тәжірибесін талдау негізінде бюджет қаражатын пайдаланудың үнемділігін, тиімділігін және нәтижелілігін бағалау тәсілдері (3E тұжырымдамасы), сондай-ақ тәуекелге бағдарланған аудит қағидаттары қарастырылған. Зерттеу әдіснамасына халықаралық стандарттарды (ISSAI), нормативтік құқықтық актілерді салыстырмалы және контент-талдау, сондай-ақ өңірлік мемлекеттік аудит органдарының қызметін кейс-зерттеулер кіреді.
Жүргізілген талдау негізінде халықаралық ISSAI стандарттары мен отандық құқықтық нормаларды үйлестіретін Жергілікті бюджет қаражатына аудит жүргізу жөніндегі әдістеменің жобасы ұсынылған. Ұсынылып отырған Әдістеме рәсімдерді біріздендіруге, аудиттің объективтілігін, ашықтығын және басқарушылық құндылығын арттыруға, сондай-ақ бюджет қаражатын пайдаланудың есептілігі мен нәтижелілігін күшейтуге бағытталған.
Зерттеу нәтижелері мемлекеттік аудиттің теориясы мен практикасын дамытуға үлес қосады және мемлекеттік аудит органдары мен оның аумақтық бөлімшелері үшін пайдалы болуы мүмкін.