Қазақстанның ауыл шаруашылығындағы шағын және орта кәсіпкерлерді қаржыландыруға мемлекеттік қолдауды бағалау

Аңдатпа

Шағын және орта бизнесті дамыту Қазақстанның мемлекеттік экономикалық саясатының басым бағыттарының бірі болып табылады. Осыған байланысты бүгінгі таңда Қазақстан Республикасында агроөнеркәсіптік кешендегі шағын және орта бизнесті (ШОБ) қолдауға ерекше көңіл бөлінуде, бұл оның азық-түлік қауіпсіздігін қамтамасыз етудегі және экономиканың тұрақты дамуын қамтамасыз етудегі шешуші рөлімен байланысты болып табылады. Зерттеудің негізгі мақсаты – Қазақстан Республикасының ауыл шаруашылығындағы шағын және орта бизнес субъектілерін қаржыландыруды мемлекеттік қолдау шараларын бағалау болып табылады. Жұмыс мамандандырылған мемлекеттік бағдарламалар арқылы жүзеге асырылатын жеңілдікті несиелеуді, лизингті, несиелерді кепілдендіруді және субсидиялауды қоса алғанда қаржыландыру тетіктерін талдауды қамтиды.

«Бәйтерек» ҰБХ» АҚ және оның АӨК қаржылық қолдау көрсететін еншілес ұйымдарының рөліне ерекше назар аударылады. Зерттеу мемлекеттік қолдау жүйесіндегі ақпараттық жүйелердің жеткіліксіз интеграциясы және ШОБ-тың қаржыландыруға қолжетімділігінің шектелуі сияқты негізгі проблемаларды анықтайды. Жұмыс нәтижелері қолданыстағы бағдарламалардың тиімділігін көрсетеді, бірақ ресурстарды бөлу тетіктерін жетілдіру, «бір терезе» қағидатын енгізу және ашықтықты арттыру қажеттігін атап көрсетеді.

Зерттеудің ғылыми маңыздылығы ағымдағы жағдайды талдауда және ШОБ қолдау саясатын жетілдіру бағыттарын анықтауда жатыр. Жұмыстың практикалық маңыздылығы ұзақ мерзімді перспективада Қазақстанның ауыл шаруашылығының даму деңгейін және оның халықаралық аренадағы бәсекеге қабілеттілігін арттыруға мүмкіндік беретін мемлекеттік қолдаудың анағұрлым тиімді құралдарын әзірлеу үшін қорытындылар мен ұсыныстарды пайдалану мүмкіндігінде жатыр. Қосылған үлес аграрлық сектордағы стратегиялық жоспарлауды жақсартады және кәсіпкерлер үшін қаржылық ресурстардың қолжетімділігін арттырады.