Кілтті сөздер
Дәйексөздерді қалай жазу керек
Аңдатпа
Мақалада Қазақстанның ауылдық аумақтарындағы сумен қамтамасыз етуге бөлінген бюджеттік қаражатты пайдалану тиімділігінің аудиті ұсынылған, Павлодар және Ақмола облыстарына ерекше назар аударылған. Зерттеу «Ақ бұлақ» және «Нұрлы жер» мемлекеттік бағдарламаларын, ресми қаржыландыру көлемдерін, сондай-ақ авторлардың өздерінің эмпирикалық деректерін (үй шаруашылықтарына жүргізілген сауалнама және судың физика-химиялық талдауы) талдауға негізделген. 3E – үнемділік, нәтижелілік және тиімділік критерийлері бойынша тиімділік аудиті тәсілі қолданылды. Нәтижелер айтарлықтай инвестицияларға қарамастан, судың нақты сапасы мен халықтың қанағаттану деңгейі жарияланған мақсаттарға әрдайым сәйкес келе бермейтінін көрсетеді. Негізгі себептер ретінде жобалардың қайталануы, мониторингтің жеткіліксіздігі, халықпен әлсіз кері байланыс және жергілікті негізгі көрсеткіштердің (KPI) болмауы анықталды. Нақты ұсыныстар берілді: тиімділік аудитінің тұрақты механизмін енгізу, бағдарламалардың ашықтығы мен есептілігін арттыру, су инфрақұрылымы жобаларының әлеуметтік-экономикалық әсерінің индикаторларын әзірлеу. Ұсынылған нәтижелер мемлекеттік аудит органдарына, мемлекеттік аудиторларға және мемлекеттік сектордағы басқарушыларға пайдалы болады.